मेचिमहाकाली बृहत रक्तदान कार्यक्रमसंगै साईकलयात्री बुटवलमा

खबर कुरा
१० जेष्ठ २०७९, मंगलवार
                 

बुटवल । मेचिमहाकाली बृहत रक्तदान कार्यक्रमसंगै साईकलयात्राका सहभागीहरु बुटवलमा आईपुगेका छन ।

बुटवलका विभिन्न साईकल क्लबमा पदाधिकारी, सदस्यहरुले सो अभियानका सदस्यहरु सन्देश सुवेदी, अजित बराल र सन्तोष गिरिलाई स्वागत तथा सोमबार बुटवलमा बृहत रक्तदान कार्यक्रम गरिएको हो ।

एक समारोहका बिच नेपाल स्वयंसेवी रक्तदाता समाज, रुपन्देही जिल्लाका अध्यक्ष कृष्ण चौहानले रक्तदातालाई ब्लड ब्याग हस्तान्तरण गरि कार्यक्रमको शुभारम्भ गरेका थिए । रगत अभाव भैरहेको बेला यस्ता अभियान निक्कै महत्वपुर्ण हुने बताए ।

समाजका आजीवन सदस्य सन्देश सुवेदीले मेचिबाट शुरु भएर महाकालीसम्म पुग्ने र देशभरका मुख्य शहरहरुमा रक्तदान कार्यक्रम गर्ने गरि अभियान थालिएको बताए । बैशाख २५ गतेबाट मेचि पुलबाट यात्रा सोमबार बुटवल आएका हुन ।

अभियानमा ३ जना साईकलयात्रुहरु सहभागी छन । अभियानको क्रममा काकडभित्ता, धरान, जनकपुर, हेटौडा, चितवनमा रक्तदान गरिएको उनले बताए । स्थानिय रक्तदाता संघसंस्थाहरुको सहयोगमा बुटवलमा पनि कार्यक्रम गरिएको उनले बताए । बुधबार भैरहवामा समेत रक्तदान कार्यक्रम गर्ने उनले बताए ।

यसमा तपाइको मत

Your email address will not be published.


*