स्रोत नखुलेको ९५ लाख रुपैयाँसहित नागढुंगाबाट दुई भारतीय नागरिक पक्राउ

खबर कुरा
९ आश्विन २०७८, शनिबार
                 

काठमाडौं । काठमाडौंको नागढुंगाबाट दुई जना भारतीय नागरिक पक्राउ परेका छन् । उनीहरुको साथबाट स्रोत नखुलेको ९५ लाख रुपैयाँ बरामद भएको छ ।

चितवनबाट काठमाडौं आउँदै गरेको ग१ख ६६४५ नम्बरको यात्रुबाहक बसमा सवार यात्रुबाहक बसबाट प्रहरीले ती दुई भारतीय नागरिकलाई पक्राउ गरेको हो । सवारी साधन चेकजाँचका क्रममा स्रोत नखुलेको रकमसहित दुई जना भारतीय नागरिक पक्राउ गरिएको काठमाडौं प्रहरी परिसरले जानकारी दिएको छ ।

पक्राउ पर्नेमा भारत महाराष्ट्र प्रदेश सङ्ली जिल्ला थाना घर बताउने २६ वर्षीय सागर माली र सोही ठाउँका १९ वर्षीय कूष्ण अढाडे छन्। यीमध्ये मालीको साथबाट ४५ लाख र अढाडेको साथबाट ५० लाख रुपैयाँ बरामद भएको प्रहरीले जनाएको छ ।

पक्राउ परेका दुवै जनामाथि अनुसन्धान सुरु गरिएको छ । उनीहरुलाई आइतबार सम्पत्ति शुद्धीकरण अनुसन्धान विभागमा पठाइने प्रहरीले बताएको छ ।

 

यसमा तपाइको मत

Your email address will not be published. Required fields are marked *


*