माओवादी केन्द्रको स्थायी कमिटी बैठक पेरिसडाँडामा सुरु

खबर कुरा
११ आश्विन २०७८, सोमबार
                 

काठमाडौं । नेकपा माओवादी केन्द्रको स्थायी कमिटीको बैठक सुरु भएको छ । पार्टी कार्यालय पेरिसडाँडामा सुरु भएको बैठकमा सरकारका काम र पार्टीको आन्तरिक बारे छलफल हुने एक नेताले बताए ।

उनका अनुसार बैठकले पार्टीका तर्फबाट सरकारमा सहभागी हुने मन्त्रीको नाम टुंगो लगाउने भएको छ । त्यस्तै, बैठकमा पछिल्लो राजनीतिक घटनाक्रमका विषयमा पनि छलफल हुने जनाइएको छ।

सरकार गठन भएको लामो समय बितिसक्दा पनि मन्त्रिपरिषदले पूर्णता पाउन नसक्दा सर्वत्र आलोचना चुलिएको छ । यही कारण सत्ता गठबन्धनका दलहरुमा मन्त्रिपरिषद विस्तारबारे दबाब बढेको छ ।

यसअघि आइतबार बालुवाटारमा बसेको सत्ता गठबन्धनको बैठकमा दलहरुबीच मन्त्रिपरिषद विस्तारलाई छिटो टुंगोमा पुर्याउने सहमति भएको थियो ।

यसमा तपाइको मत

Your email address will not be published. Required fields are marked *


*