जनकपुरधामा । प्रदेश २ को मुख्यमन्त्री तथा मन्त्रिपरिषद् कार्यालयमा अख्तियार दुरुपयोग अनुसन्धान आयोगलेछापा मारेको छ।
काठमाडौंस्थित आयोगको केन्द्रीय कार्यालय काठमाडौं र बर्दिबास कार्यालयको संयुक्त टोलीले बुधबार दिउँसो मुख्यमन्त्री कार्यालयमा पुगेर छापा मारेको हो ।
सामुदायिक विद्यालयहरुमा पढ्ने छात्राका लागि साइकल खरिदमा करोडौं अनियमितता भएको उजुरी परेपछि अख्तियारले छानविन सुरु गरेको थियो । त्यसैक्रममा आज छापा हानेर सामान खरिदसम्बन्धी फाइल नियन्त्रणमा लिएको छ ।
प्रदेश २ सरकारले २०७६ मा ुबेटी बचाऊ, बेटी पढाऊु अभियान संचालनका लागि प्रदेशस सरकारले टेन्डर नगरी साइकल खरिद गरेको थियो । ९ करोड ८४ लाख १८ हजार रुपैयाँमा १४ हजार थान साइकल किनेर २६२ विद्यालयमा बाँढिएको थियो ।
बरामद फाइलहरुमाथि अख्तियारले केन्द्रीय कार्यालयमा अनुसन्धान गर्नेभएको छ ।
प्रतिक्रिया