काठमाडौं । मन्त्रिपरिषद् विस्तारका विषयमा छलफल गर्न बालुवाटारमा सत्तारुढ गठबन्धनका शीर्ष नेताको बैठक बसेको छ । मन्त्रिपरिषदलाई पूर्णता दिने विषयमा टुङ्यो लगाउन प्रधानमन्त्रीको सरकारी निवास बालुवाटारमा बैठक बसेको हो ।
सत्तारुढ दलले मन्त्रालयको भागबण्डा गर्दा काँग्रेसलाई सात, माओवादी केन्द्रलाई ६ तथा नेकपा एकीकृत समाजवादी र जनता समाजवादीलाई चार–चार मन्त्रालय पाउने गरी सहमति भएपनि नेकपा एकीकृत समाजवादीले असन्तुष्टि जनाएपछि पुन गठबन्धनको बैठक बसेको हो ।
एकिकृत समाजवादीले महत्वपूर्ण मन्त्रालय सहित मन्त्रालयको संख्या थप्न माग गरेपछि पुनः बैठक बस्नु परेको गठबन्धनका एक नेताले बताए । गठबन्धनमा भागवण्डा मिले आजै मन्त्रिपरिषदले पूर्णता पाउने ती नेताले बताए ।
बैठकमा प्रधानमन्त्री तथा काँग्रेस सभापति शेरबहादुर देउवा, माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधव नेपाल र जनता समाजवादी पार्टीका अध्यक्ष उपेन्द्र यादव सहभागी छन् ।
प्रतिक्रिया