राष्ट्रपति भण्डारी भेट्न प्रधानमन्त्री देउवा शितल निवासमा

खबर कुरा
२२ आश्विन २०७८, शुक्रबार
                 

काठमाडौं । मन्त्रिपरिषद् विस्तारको तयारीमा रहेका प्रधानमन्त्री शेरबहादुर देउवा राष्ट्रपति विद्यादेवी भण्डारीलाई भेट्न शीतल निवास पुगेका छन् ।

मन्त्रिपरिषद् विस्तारबारे जानकारी गराउन प्रधानमन्त्री देउवा राष्ट्रपति कार्यालय पुगेका हुन् । देउवाले राष्ट्रपति भण्डारीसँग मन्त्रिपरिषद् विस्तारबारे छलफल गर्ने बताइएको छ ।

प्रधानमन्त्री भएको झण्डै तीन महिनासम्म सरकार विस्तार गर्न नसकेर आलोचित बन्दै आएका देउवाले गठबन्धन दलहरुबीच सहमति भएपछि आज मन्त्रिपरिषद् विस्तार गर्न लागेका छन् । आजैसाँझसम्म मन्त्रीहरुको सपथग्रहण हुने बताइएको छ ।

दुई दिनअघि नै दलहरुबीच मन्त्रालय संख्या र भागवण्डामा सहमति भएको भनिएपनि नेकपा एकीकृत समाजवादीले आफुले पाएको मन्त्रालयमा चित्त नबुझाएपनि बिहीबार मन्त्रिपरिषद् विस्तार प्रभावित भएको थियो । गठबन्धनका शीर्ष नेताहरु बसेर छलफल गरेपछि समाजवादीको माग अनुसारको मन्त्रालय र प्रदेश १ र बागमती प्रदेशमा मुख्यमन्त्री दिनेगरी सहमति जुटेको थियो ।

माओवादी केन्द्रले बुधबार नै मन्त्रीहरुको नाम टुंग्याइसकेको थियो । कांग्रेस एकीकृत समाजवादी र जसपाले भने आज नै नाम टुंग्याउँदैछन् ।

यसमा तपाइको मत

Your email address will not be published. Required fields are marked *


*