राजेन्द्र, रामसहाय, रेणु र प्रमोद जसपाबाट मन्त्री बन्दै

काठमाडौं । जनता समाजवादी पार्टी (जसपा)ले सरकारमा पठाउने मन्त्रीहरुको नाम टुंग्याएको छ । गठबन्धनका दलहरुको सहमतिअनुसार जसपाले चार मन्त्री र उपसभामुख पाएको छ ।

अध्यक्ष उपेन्द्र यादवले चार जना मन्त्रीहरुको नाम आज प्रधानमन्त्री शेरबहादुर देउवालाई बुझाएका छन् । अध्यक्ष यादवले प्रधानमन्त्री देउवालाई राजेन्द्र श्रेष्ठ, रामसहायप्रसाद यादव, रेणू यादव, र प्रमोद साहको नाम बुझाएका हुन् ।

जसपाले संघीय मामिला तथा समान्य प्रशासन मन्त्रालय, भौतिक पूर्वाधार मन्त्रालय, वन तथा वातावरण मन्त्रालय र कृषि तथा पशुपंक्षी मन्त्रालय पाएको छ ।
नेता राजेन्द्र श्रेष्ठले संघीय मामिला, रामसहाय यादवले वन तथा वातावरण, रेणु यादवले भौतिक पूर्वाधार र प्रमोद साहले कृषि मन्त्रालय दिइने भएको छ ।