१६ चैत्र २०८०, शुक्रबार | March 29, 2024

दशैँमा दृष्टिविहिनलाई नाना र खाना



बुटवल । दशैँको अवसरमा रुपन्देही नेत्रहिन संघमा आवद्ध रहेका विभिन्न दृष्टिविहिनताभएका व्याक्ति तथा तिनका परिवारको लागि दुईवटा लायन्स क्लवहरुले खाना र कपडा वितरण गरेका छन् ।

शनिबार रुपन्देही नेत्रहिन संघको कार्यालय बुटवल-१२ तामनगरमा छुट्टा छुट्टै कार्यक्रमको आयोजना गरी खाद्यान्न, लत्ता कपडा वितरणको साथै आर्थिक समेत सहयोग गरेका हुन ।

लायन्स क्लव अफ बुटवल क्रियटिभ र अर्को महिलाहरु मात्रै सदस्य रहेको लायन्स क्लव अफ बुटवल लोटसले छुट्टा छुट्टै कार्यक्रम आयोजना गरी आश्रीत दृष्टिविहिनता भएका व्याक्ति तथा तिनका परिवारहरुको लागि खाद्यान्न, तथा नयाँ पोशाक प्रदान गरेका हुन ।
लायन्स क्लव बुटवल बुटवल लोट्सका अध्यक्ष शुसिला आचार्यले दशैँको मुखमा कोही पनि नयाँ लुगा र खानाबाट बञ्चीत हुन नपरोस भन्ने हेतुले सहयोग गरिएको बताईन । कार्यक्रममा बोल्दै प्रमुख अतिथि चिफ एड्भाईजर द्वारिका प्रसाद श्रेष्ठले नयाँ क्लबले अपाङ्गता क्षेत्रमा गरेको कार्यक्रम अनुकरणीय भएको बताए ।

यस्तै रिजन चेयर पर्सन नारायण थापा, जोन चियर पर्सन विनेशमान बाज्राचार्य ले बोल्दै क्लवको सामाजिक काम उत्कृष्ठ रहेको बताएका थिए । कार्यक्रममा रिता खनाल ले ५ हजार, रेवती सापकोटाले ५ हजार र विनिता बज्राचार्यले १५ सय रुपैयाँ सहित क्लवका सदस्यहरुबाट कुल ३० हजार रुपैयाँ बराबरको लत्ता कपडा को साथै आश्रीतहरुलाई भोजन समेत गराईएको थियो । कार्यक्रम सचिव शुसिला ज्ञवालीको सञ्चालन तथा अस्मीता घिमिरेको संयोजकत्वमा भएको थियो ।

यस्तै लायन्स क्लव अफ बुटवल चौतारीको स्पोन्सर क्लव लायन्स क्लव अफ बुटवल क्रियटिभले पनि आश्रममा खाद्यान्न वितरण गरेको छ । क्लवको आयोजनामा करिव १० हजार रुपैयाँ बराबरको चामल, नुन, तेल, दाल, सहित दैनिक उपभोग्य समान प्रदान गरेको हो ।
हुने खानेहरुको मात्रै दशै होईन सबैको साझा दशै हुन आवश्यक छ रहेको भन्दै क्लवले सहयोग गरेको क्लवका अध्यक्ष कपिल ज्ञवालीले जानकारी दिए ।

कार्यक्रममा प्रमुख अतिथि लायन्स रिजन चियर पर्सन माधव खनालले क्लवले आश्रममा आश्रीत विद्यार्थीहरुको लागि एक बर्षको लागि पुर्ण छात्रवृत्तिको साथै सम्पूर्ण खर्च व्यहोर्ने प्रतिवद्धता जनाएका थिए । लायन्स बुटवल चौतारी कृष्णप्रसाद पोखरेल, कार्यक्रम संयोजक सन्देश अर्याल लगायतले बोल्दै आश्रमको लागि आफुहरुले निरन्तर सहयोग गर्ने बताएका थिए । कार्यक्रममा रुपन्देही नेत्रहिन संघका अध्यक्ष्इा कृष्ण बहादुर जिसिले संस्थाको गतिविधिको विषयमा प्रकाश पार्दै आगामी योजनाको विषयका प्रकाश पारेका थिए ।

क्लवका सचिव मोतिलाल खनालको सञ्चालन तथा प्रथम उपाध्यक्ष डासीराम मरासीनीको धन्यवाद ज्ञापनमा कार्यक्रम भएको थियो । साथै क्लबले दशैँको बेलामा आश्रममा आश्रितहरुको लागि माछा मासु खरिदको लागि नगद २ हजार समेत सहयोग गरेको थियो ।

प्रकाशित मिति : २३ आश्विन २०७८, शनिबार  ३ : ४९ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको