रक्सीको नशामा कुटपिट गरि श्रीमतीको हत्या

खबर कुरा
२८ आश्विन २०७८, बिहीबार
                 

अर्घाखाँची । अर्घाखाँचीमा मदिराको नशामा एक स्थानीय युवाले आफ्नै श्रीमतीको हत्या गरेका छन् । बुधबार दिउँसो अर्घाखाँचीको छत्रदेव ८ मा डेरा गरि बस्ने ४३ वर्षिय लालबहादुर कुमालले आफ्नै श्रीमतीलाई कुटपिट गरि हत्या गरेको प्रहरीले जनाएको छ ।

बुधबार दिउँसो १ बजेको समयमा लालबहादुरले मदिरा सेवन गरि श्रीमतीसँग झगडा गरेको र झगडाकै क्रममा कुटपिट गरि ३० वर्षिया श्रीमती सिता कुमाललाई हत्या गरेको जिल्ला प्रहरी कार्यालय अर्घाखाँचीका प्रहरी प्रवक्ता प्रहरी निरिक्षक सुजन शाहले बताए ।

प्रहरीका अनुसार हत्याको सूचना स्थानीयबासीले प्रहरीलाई दिएपछि प्रहरी घटनास्थल पुगेको थियो । गुल्मी ईस्मा २ हल्दिटार स्थायी घर भएका कुमाल दम्पत्ती कामको शिलशिलामा अर्घाखाँचीको छत्रकोटमा बस्दै आएका थिए ।

हत्यामा संलग्न लालबहादुरलाई प्रहरीले नियन्त्रणमा लिएको छ । पक्राउ परेका कुमाल माथि ज्यान मार्ने उद्योग अन्तर्गत अनुसन्धान भइृरहेको प्रहरीले जनाएको छ ।

यसमा तपाइको मत

Your email address will not be published. Required fields are marked *


*