तानसेन । पाल्पामा झारफुक गराउन गएकी एक महिला बलात्कृत भएकी छिन् । तानसेन नगरपालिका ३ भगवती टोलमा झारफुकको काम गर्नेबाट ३० वर्षिया महिला बलात्कृत भएको पाल्पा प्रहरीले जनाएको छ ।
गण्डकी प्रदेशको तनहुँ शुक्लागण्डकी नगरपालिका खैरेनी घरभई पाल्पाको तानसेनमा झारफुकको काम गर्दै आएका ३२ वर्षिय केदार रनपालबाट झारफुक गराउन आएकी एक महिला बलात्कृत भएको किटानी सूचनाका आधारमा रनपाललाई पक्राउ गरिएको जिल्ला प्रहरी कार्यालय पाल्पाले जनाएको छ ।
झारफुक गर्ने बाहानामा रनपालको कोठा भित्रै ती महिलालाई जबर्जस्ती करणी गरेको सूचना स्थानीय महिलाहरुबाट प्राप्त भएको पाल्पा प्रहरी प्रवक्ता रामेश्वर त्वाँतीले बताए । पक्राउ परेका रनपाललाई जवर्जस्ती करणीको अभियोगमा अनुसन्धान भईरहेको डीएसपी त्वाँतीले बताए ।
प्रतिक्रिया