पर्वत । धन र सम्पत्तकिो लागि मरिहत्ते गर्ने गरिएको समाजमा बेवारिसे अवस्थामा भेटिएको ६ तोला सुनको गहनालाई गहना मालिक खोजी खोजी फिर्ता गर्ने मनकारी पनि फेला परेका छन् ।
गत कार्तिक ५ गते पर्वतबाट काठमाडौं जाँदै गरेको यात्रुबाहक बसमा छुटेको ६ तोला सुनको गहना भेट्ने यात्रुले गहना मालिकको खोजी गरेर प्रहरी मार्फत गहना बुझाएका छन् । पर्वतको फलेवासबाट काठमाडौका लागि छुटेको बा ४ ख ८८३ नम्बरको बसमा छुटेको गहना फेला पार्ने पर्वत फलेवास ५ का विजय भुसालले सो गहना सुनधनीलाई बुझाएका हुन् ।
प्रहरीका अनुसार काठमाडौं जाने बसेमा यात्रा गर्ने क्रममा फलेवास ६ की स्थानीय पार्वती श्रेष्ठको गहना भएको ब्याग बसमा छुटेको थियो । सोही बसमा यात्रा गर्ने स्थानीय विजय भुसालले बसको सिटमुनी ब्याग फेला पारेपछि बसचालक र कर्मचारीलाई खबर गरेका थिए । ब्यागमा ५ तोला बराबरको रानी हार, १ तोला २० लाल बराबरको चन्द्रमा क्लिप समेत गरि ६ तोला बराबरको भेटिएपछि उनीहरुले प्रहरीलाई खबर गरेका थिए ।
प्रहरीले गहना हराएको गहनाधनीलाई खोजी गर्नेक्रममा फलेवासकै श्रेष्ठले प्रमाण सहित गहना आफ्नो छुटेको हक दाबी गर्न आएपछि प्रहरीले स्थानीयवासीको रोहबरमा गहना सम्बन्धित गहनाधनीलाई बुझाएको पर्वत प्रहरीले जनाएको छ ।
प्रतिक्रिया