१५ जना न्यायाधीशको बैठकमा आउँछौ भनेका सर्वोच्चका २ न्यायाधीस नेपालगन्ज नाका हुँदै भारत छिरे

खबर कुरा
१० कार्तिक २०७८, बुधबार
                 

नेपालगन्ज । प्रधानन्यायाधीश प्रकरणमा काठमाडौमा गरमागरम बहस भईरहेका बेला सर्वोच्चका २ जना न्यायाधीस भने उपचार गर्न भन्दै भारत छिरेका छन् । इजलास बहिस्कार गरेर छलफलमा जुटेका १५ जना न्यायाधीसको बैठकमा आउने आश्वासन दिएका ती २ जना न्यायाधीस बुधबार भारत तर्फ लागेका हुन् । जिल्ला अदालतहरुको निरिक्षण सहित खप्तड यात्रामा निस्केका न्यायाधीसहरु सपना मल्ल प्रधान र अनिल कुमार सिन्हा बुधबार मध्यान्ह नेपालगन्ज नाका हुँदै भारत प्रस्थान गरेका हुन् ।

प्रधान र सिन्हाले मंगलबार मात्र १५ जना न्यायाधीसको बैठकमा सहभागी हुने भन्दै इमेल पठाएको एक न्यायाधीसले बताएका थिए । प्रधानन्यायाधीस चोलेन्द्र शम्शेर जबराको नेतृत्वको क्षमतामाथि प्रश्न उठाउँदै सोमबार र मंगलबार इजलासमा बहिस्कार गरेका न्यायाधीशहरूको बुधबार बिहानै देखी सर्वाेच्चमा बैठक तथा छलफल चलिरहेको छ । सो बैठक भेटाउन काठमाडौं पुग्ने खबर पठाएका २ जना न्यायाधीसको भारत प्रस्थानलाई रहस्यकारुपमा हेरिएको छ ।

न्यायाधीसहरु प्रधान र सिन्हा बुधबार बिहान बझाङबाट नेपाली सेनाको पुमा हेलीकोप्टरबाट नेपालगञ्ज आएर भारत प्रस्थान गरेका थिए । उनीहरु नेपालगन्जको एक होटलमा खाना खाएर भारत तर्फ प्रस्थान गरेको जिल्ला प्रहरी कार्यालय बाँकेका प्रवक्ता प्रहरी नायव उपरिक्षक मधुसुदन न्यौपानेले पुष्टी गरे । उनीहरु भारत जानुकाे कारण भने खुलाईएकाे छैन ।

न्यायाधीस सिन्हा बझाङ र मल्ल अछामबाट हेलिकप्टरमा नेपालगन्ज पुगेका थिए । नेपालगन्जबाट सँगै भारतको रुपैडियासम्म गएपनि रुपैडियाबाट फरक फरक भारतीय नम्बर प्लेटको गाडीमा लखनउ तर्फ प्रस्थान भएको प्रहरीले जनाएको छ ।

 

यसमा तपाइको मत

Your email address will not be published. Required fields are marked *


*