काठमाडौं । सिंहदरबार परिषर भित्रै मध्य दिउँसो गोली चलेको छ । राष्ट्रियसभाकी उपाध्यक्ष शशीकला दाहालकी पीएसओ अनुपमा भारतीले आफुसँग रहेको पेस्तोल खेलाउने क्रममा गोली चलेको हो । भारतीको पेस्तोलबाट छुटेको गोली नजिकैको भित्तामा लागेका कारण मानविय क्षति नभएको बताइएको छ ।
बुधबार दिउँसो राष्ट्रियसभाकी उपाध्यक्ष दाहालकी पीएसओ भारतीले बोकेको पेस्तोल चेकजाँच गर्ने क्रममा अकस्मात गोली चलेको भारतीले प्रहरी समक्ष बयान दिएकी छिन् । उनीसँग सोधपुछ भइरहेको र मिस ह्याण्डलिङ भएर गोली चलेको हुनसक्ने प्रहरीले अनुमान गरेको छ ।
प्रहरीले मानवीय त्रुटिका कारण गोली चल्न पुगेपनि संयोगवश कुनै क्षति भने नभएको बताएको छ ।
प्रतिक्रिया