४९ सांसदको समर्थनसहित राजेन्द्र राईद्वारा मुख्यमन्त्रीमा दाबी पेश

खबर कुरा
१५ कार्तिक २०७८, सोमबार
                 

विराटनगर । विपक्षी गठबन्धनको समर्थनसहित नेकपा एकीकृत समाजवादी प्रदेश १ संसदीय दलका नेता राजेन्द्र राईले मुख्यमन्त्रीमा दाबी पेश गरेका छन् ।

मुख्यमन्त्री भीम आचार्यले राजीनामापत्र बुझाए लगत्तै प्रदेश प्रमुख सोमनाथ अधिकारी प्यासीले मंगलबार दिउँसो १ बजेसम्म मुख्यमन्त्रीमा दाबी पेश गर्न आह्वान गरेका थिए । त्यसलगत्तै ४९ जना सांसदको समर्थनसहित राईले नयाँ सरकार गठनका लागि आजै दाबी पेश गरेका हुन् । ४९ जना प्रदेशसभा सदस्यहरुले राईलाई समर्थन दिएको हस्ताक्षर गरेका छन् । उपसभामुख सरस्वती पोखरेल मातृशोकमा रहेका कारण उनको हस्ताक्षर भएको छैन ।

विपक्षी गठबन्धनमा नेपाली कांग्रेसका २१, नेकपा माओवादी केन्द्रका १४, नेकपा एकीकृत समाजवादीका १०, जनता समाजवादी पार्टीका ३ र संघीय लोकतान्त्रिक राष्ट्रिय मञ्चका एक जना गरी ४९ सांसद रहेका छन् ।

 

यसमा तपाइको मत

Your email address will not be published. Required fields are marked *


*