काठमाडौं । प्रधानन्यायाधीस चोलेन्द्र शमशेर जबराले बिहीबारका लागि ९ वटा इजलास तोकेका छन् । जबराले १५ जना न्यायाधीशहरूका लागि ९ इजलास तोकेका हुन ।
सबै इजलास बन्दी प्रत्यक्षीकरणको मुद्दासँग मात्र केन्द्रित रहेका छन् । यीमध्ये ६ वटा संयुक्त र तीन वटा एकल इजलास रहेका छन् ।
सर्वोच्चका न्यायाधीसहरु प्रधानन्यायाधीसको कार्यशैलीप्रति असन्तुष्ट रहँदै इजलास बहिस्कार गर्दै आएका छन् । उनीहरुले प्रधानन्यायाधीश राणाले राजीनामा दिनुपर्ने माग गर्दै दबाब दिइरहेका छन्। उनीहरुले एकसाता अघिदेखि सबै खाले इजलास बहिस्कार गर्दै आएकोमा मंगलबार बन्दी प्रत्यक्षीकरणका मात्र मुद्दामा सुनुवाइ गरेका थिए । तर प्रधानन्यायाधीस जबराले बन्दी प्रत्यक्षीकरणसहित अन्य मुद्दामा समेत पेशी तोकेपछि बुधबारको इजलास पुनः बहिस्कार गरेका थिए ।
जबरा विरुद्ध नेपाल बार एसोसिएसन पनि आन्दोलनमा उत्रिएको छ। बारले १५ गतेदेखि सर्वोच्च परिसरमा कालो पट्टी बाँधेर धर्ना दिइरहेको छ । तिहारसम्म पनि प्रधानन्यायाधीसले राजीनामा नदिए थप सशक्त आन्दोलन गर्ने बारले निर्णय गरेको छ ।
प्रतिक्रिया