विप्लव पनि ढिलोचाँडो माओवादी केन्द्रमा आउनुहुन्छ : प्रचण्ड

खबर कुरा
२६ कार्तिक २०७८, शुक्रबार
                 

काठमाडौँ । नेकपा माओवादी केन्द्रका अध्यक्ष ‘प्रचण्डले नेकपा महासचिव ‘विप्लव’ छिट्टै माओवादी केन्द्रमै फर्कने विश्वास व्यक्त गरेका छन् ।

पार्टीको केन्द्रीय कार्यालय पेरिसडाँडामा पार्टी प्रवेश कार्यक्रमलाई शुक्रबार बिहान सम्बोधन गर्दै प्रचण्डले विप्लवलाई आफ्नो पार्टीमा छिट्टै भित्र्याउन आफू आतुर रहेको बताए ।

“एक्लै क्रान्ति गर्छु भन्दा क्षति मात्रै हुन्छ, छिट्टै विप्लवजीहरुलाई पनि यहाँ हात मिलाउने, अंकमाल गर्ने प्रतिक्षामा छु ।” प्रचण्डले भने ।

पार्टी विभाजन गरी बाहिरिएका मोहन वैद्य र डा।बाबुराम भट्टराईसँग एकताका लागि कुराकानी चलिरहेको पनि उनले बताए । “विप्लव पनि ढिलोचाँडो आउनुहुन्छ । अलग भएर होइन, एक ठाउँ भइ नेपाली क्रान्तिलाई मौलिक तरिकाले अघि लान सकिन्छ,” उनले भने ।

यसमा तपाइको मत

Your email address will not be published. Required fields are marked *


*