काठमाडौं । प्रधानन्यायाधीस चोलेन्द्र शमशेर जबराले विधिको पक्षमा दृढतापूर्वक उभिन आह्वान गरेका छन् ।
आफु विरुद्ध सहकर्मी न्यायाधीसहरुसहित नेपाल बार एशोसिएसन र न्याय सम्बद्ध सबै संस्थाहरु आन्दोलनमा रहेकै बेलामा प्रधानन्यायाधीस जबराले सर्वोच्च अदालतभित्र पत्रकार सम्मेलन गरेर आफ्नो धारणा सार्वजनिक गरेका हुन् ।
सर्वोच्चका प्रवक्तामार्फत आफ्नो प्रेस विज्ञप्ति पढाएका जबराले आफुमाथि अनर्गल र झुठ्ठा आरोप लगाइएको जिकिर गरेका छन् ।
न्यायपालिकामाथि आरोप लगाउनु चिन्ताजनक विषय भएको जबराले बताएका छन् ।
‘सर्वोच्च अदालत एकमात्र पवित्र संस्था हो । यसमाथि निरन्तर प्रहार गरेर न्यायपालिकाको पवित्रतामाथि प्रहार गरिएको छ ।’ जबराले भनेका छन् ।
प्रधानन्यायाधीस जबराले आन्दोलनमा उत्रिएका कानूनव्यवसायीहरुलाई वार्ता र संवाद्मा आउन आह्वान गरेका छन् । उनले न्यायालयमा सुधारका लागि तयार गरेको प्रतिवेदन र सुझाव कार्यान्वयन गर्न हरिकृष्ण कार्कीको प्रतिवेदनलाई कार्यान्वयन गर्ने प्रतिवद्धता व्यक्त गरेका छन् ।
न्यायालयमा देखिएको गतिरोधलाई अन्त्य गर्न बार र बेन्चबीच संवाद हुनुपर्ने पनि प्रधानन्यायाधीस जबराले बताएका हुन् ।
भित्र प्रधानन्यायाधीस जबराले पत्रकार सम्मेलन गरिरहँदा बाहिर भने कानूनव्यवसायीहरु उनी विरुद्ध आन्दोलनमा उत्रिँदै प्रहरीसँग घम्साघम्सी गरिरहेका थिए ।
प्रतिक्रिया