सर्वोच्च अदालतका न्यायाधीश र बार पदाधिकारीहकाबीच आज पनि छलफल

काठमाडौं । प्रधानन्यायाधीश विरुद्ध इजलास बहिस्कार गरिरहेका सर्वोच्च अदालतका न्यायाधीश तथा आन्दोलनरत नेपाल बार एसोसिएसन र सर्वोच्च बार एसोसिएसनका पदाधिकारीबीच दोस्रो दिन पनि छलफल सुरु भएको छ । अदालतमा जारी विवाद र आगामी कार्ययोजना बनाउन भन्दै सोमबार देखि उनीहरुले छलफल सुरु गरेका हुन् ।

आजको छलफलमा आगामी दिनमा कसरी बढ्ने भन्नेबारे न्यायाधीशहरुले आफ्नो धारणा राख्ने बताइएको छ । सोमबारको बैठकमा बारका पदाधिकारीहरुले आफ्नो धारणा राखेका थिए भने आज न्यायाधिशहरुले धारणा राख्ने तय भएको थियो । प्रधानन्यायाधीशले वार्तामा आउन बारलाई आह्वान गरेलगत्तै बारले सोमबार पनि बैठक राखेको थियो ।

आजको छलफलमा पनि ५ न्यायाधीशको सहभागिता रहेको छैन । उनीहरुले न्यायाधीशहरूले फुलकोर्ट बाहेक अरु बैठकमा सहभागी नहुने बताएका छन् । यसअघि प्रधानन्यायाधीशको विपक्षमा देखिएपनि पछिल्लो समय कित्ता परिवर्तन गरेको बताइएको छ । यद्देपी प्रधानन्यायाधीश कित्तामा गएको भनिएका ५ न्यायाधीसले पनि प्रधानन्यायाधीशले तोकेको इजलास बहिस्कार गरेका छन् ।