स्वदेशमा काम पाइँदैन विदेश जाने श्रम स्वीकृति लिन सेवाग्राहीलाई झन्झट

बुटवल । कपिलबस्तुका अकबर मुद्धिन मुसलमान छोराको पुनः श्रम स्वीकृति बनाउन बुटवल धाएको ४ दिन भयो । बल्लतल्ल मंगलबारको टोकन पाएका उनि पेट्रोलियम पदार्थको बिरोध गर्दै विप्लब माओवादीको बन्दका कारण त्यो दिन कार्यालय उपस्थित हुन सकेनन । बुधबार टोकनको म्याद सकिएको भन्दै उनको काम भएन । ‘अब फेरि अर्को टोकन लिनुपर्ने भयो ।’– दुखी हुदै उनले भने । बल्लतल्ल टोकन लिएका उनि श्रमको काम रोकिदा अब छोराको आईतबारको बिदेश उड्ने टिकट के गर्ने दोधारमा छन ।

सैनामैना ६ रुपन्देहीका होमनाथ पुरी लामोसमयदेखि दुबईमा रोजगार गर्दै आएका छन । दशैतिहारको बिदापछि काममा फर्कन चाहेका उनि श्रम स्वीकृतिको काम रोकिदा समस्यामा परेका छन । एक हप्ता बढी समयदेखि निरन्तर श्रम कार्यालय धाएका उनि यसअघि सोही पेपरबाट काम हुदै आएकोमा अहिले रोकिनुपरेको गुनासो गर्छन् ।

कपिलबस्तुका शकिल अहमद दुईपटक कार्यालय आए तर श्रम स्वीकृतिको काम नभएको बताउछन । बल्ल बल्ल टोकन पाएका उनि बन्दका कारण समयमा कार्यालय आउन नसक्दा फेरि दोस्रो पटक कुपन लिनुपर्ने भएको बताउछन । ‘एकातिर समय अर्कोतर्फ पैसा दुबै खर्च भएको छ ।’– उनले भने ।

शुक्रबार देखि पुनःश्रम स्वीकृति बनाउन आएको अर्घाखाचीका पिताम्बर पाण्डे पनि निक्कै समस्यामा छन । फर्म भर्ने दलालहरुले आजभाली टोकल आउछ भन्दा भन्दै लामो होटलको बास बसेका उनि बताउछन । ‘हामी समस्यामा छौ ।’– उनले भने ।

विदेशमा रोजगार गर्न जाने सेवाग्राहीलाई सहज र सहुलियत पुनः श्रम स्वीकृतिको सेवा दिने गरि स्थापना भएको प्रदेशस्तरका श्रम तथा रोजगार कार्यालयमा सेवाग्राहीले सास्ती बेहोर्नुपरेको अधिकाश सेवाग्राहीहरुको गुनासो छ । २०७४ पुस १५ गतेबाट बुटवलमा स्थापना भएको श्रम तथा रोजगार कार्यालयमा करिब १ सय ७३ वटा देशमा जाने सेवाग्राहीलाई पुनः श्रम स्विकृति दिने गरेको कार्यालयले जनाएको छ । न्युन कर्मचारीको दरबन्दी र फितलो ब्यवस्थापन कै कारण सेवाग्राहीले समयमा सेवा नपाउने गरेको अधिकाशको गुनासो छ ।

श्रम रोजगार तथा सामाजिक सुरक्षा मन्त्रालय, श्रम तथा ब्यवसाय जन्य सुरक्षा विभाग बुटवलका शाखा प्रमुख दामोदर ज्ञवालीले कोभिड १९ कम हुदै जादा र दशै तिहार पछि धेरै रोजगारबाट फर्किएकाहरु सेवालिन कार्यालयमा निक्कै भिड बढेको स्वीकार्छन ।

सेवाग्राहीलाई सहज सेवा दिने उद्येश्यका साथ सफटवेयर सिस्टमबाट फर्म भरिने गरिनु र टोकटको ब्यवस्था गरिँदा सेवाग्राहीलाई केही झन्झटीलो देखिएको उनले बताए । दैनिक १ सय ५० जनालाई सेवादिन सकिने क्षमता भएको कार्यालयमा क्षमताभन्दा बढी सेवाग्राहीको चाप पनि अर्को समस्या भएको उनले बताए । ‘दैनिक ३ सय बढि सेवाग्राही आउने गर्छन ।’– उनले भने । जुन दिनको लागि टोकट दिइन्छ त्यो त्यही दिन एक्सपाएर हुने ब्यवस्था हुदा त्यो फेरि लिनुपर्ने सेवाग्राहीलाई झन्झट रहेको उनि बताउछन ।

श्रम कार्यालयमा बैदेशिक रोजगारमा काम गर्ने ७ जनासहित १३ जना कर्माचारीहरु छन । बुटवल पायक पर्ने २० बढि जिल्लाका सेवाग्राहीहरु भिड हुने भएकाले पनि ढिलाई हुने गरेको ज्ञवालीले बताए । श्रम स्विकृतिका लागि सात वटै प्रदेशमा कार्यालय स्थापना गरिएको छ । काठमाडौ, पोखरा र बुटवलमा सबैभन्दा बढि भिड हुने गरेको सम्बन्धित कार्यालयहरुले जनाएका छन् । श्रम कार्यालयका अनुसार देशभरमा दैनिक १ हजार ५ सय वैदेशिक रोजगारमा जाने ब्यक्तिले श्रम स्वीकृति लिने गरेका छन ।