राष्ट्रियसभाको रिक्त १९ सदस्यका लागि माघ १२ गते निर्वाचन हुने

खबर कुरा
२ मंसिर २०७८, बिहीबार
                 

काठमाडौं । राष्ट्रियसभा सदस्यको पदावधि सकिनु ३५ दिन अगाडि नै निर्वाचन गरिसक्नुपर्ने कानुनी व्यवस्था अनुसार सरकारले राष्ट्रियसभाको निर्वाचन माघ १२ गते गर्ने गरि समय निर्धारण गरेको छ । मन्त्रिपरिषद्को बिहीबार बसेको बैठकले राष्ट्रियसभाको निर्वाचनको मिति तोकेको हो ।

राष्ट्रियसभाका २० सदस्यको कार्यकाल आगामी फागुन २० गते सकिँदैछ । उनीहरुमध्ये १९ जनाको निर्वाचन हुने छ भने १ जना सरकारको सिफारिसमा राष्ट्रपतिले मनोनीत गर्ने छिन् ।

राष्ट्रियसभा सदस्यको पदावधि सकिनु ३५ दिन अगाडि नै निर्वाचन गरिसक्नुपर्ने कानुनी व्यवस्था भए अनुसार सरकारलाई निर्वाचन आयोगले माघ १५ गतेभित्र निर्वाचन सम्पन्न गर्न आग्रह गरेको थियो ।

यसमा तपाइको मत

Your email address will not be published. Required fields are marked *


*