१५ चैत्र २०८०, बिहिबार | March 28, 2024

प्रचण्ड र अमेरिकी विदेशमन्त्री लुबीच भेटवार्ता, नेपालले छिटो निर्णय नलिए एमसीसी फिर्ता हुने लुको चेतावनी



काठमाडौं । अमेरिकी सहायक विदेशमन्त्री डोनाल्ड लुले नेपाल कम्युनिष्ट पार्टी (माओवादी केन्द्र)का अध्यक्ष एवं पूर्वप्रधानमन्त्री प्रचण्डसँग भेटेर नेपालले मिलेनियम च्यालेञ्ज कर्पोरेसन एमसीसी सम्झौता अनुमोदन नगरे सो परियोजना अन्यत्र लैजाने कुरा दाहोर्याएका छन् ।

नेपाल भ्रमणमा रहेका अमेरिकी सहायक विदेशमन्त्री डोनाल्ड लुले माओवादी केन्द्रका अध्यक्ष प्रचण्डसँगको शिष्टाचार भेटमा एमसीसी सम्झौता सम्बन्धमा छिटो निर्णय गर्न आग्रह गर्दै नेपालले सम्झौतामा निर्णय नदिए अन्यत्र लैजाने बताएका हुन् ।

शुक्रबार सिंहदरबारमा भएको भेटमा अमेरिकी सहायक विदेशमन्त्री लुले प्रचण्डसँग अमेरिकी सहयोग परियोजना मिलेनियम च्यालेञ्ज कर्पोरेसन एमसीसी बारे लामो चासो व्यक्त गरेको प्रचण्डका स्वकीय सचिव रमेश मल्लले जानकारी दिए । मल्लका अनुसार विदेशमन्त्री लुले प्रचण्डलाई अनुदान सहयोग लिने वा नलिने बारेमा नेपाल छिट्टै निर्णयमा पुग्नुपर्नेमा जोड दिएका थिए ।

एमसीसीका बारेमा विदेशमन्त्री लुको जबाफमा प्रचण्डले अमेरिकी सहयोग नलिने भन्ने आफ्नो धारणा नभएको स्पष्ट पारेको स्वकिय सचिव मल्लले बताए । एमसीसीमा उल्लेखित केही प्रावधान नेपालमा विवादको विषय बनेको जानकारी दिँदै प्रचण्डले लु समक्ष एमसीसीबारे राष्ट्रिय सहमति बनाएर निर्णय गर्ने जबाफ दिएको मल्लले जानकारी दिए ।

एमसीसीका बारेमा सबै नेपालीहरुले एउटा साझा समझदारी बनाउने प्रयास गर्ने जवाफ प्रचण्डले लुलाई फर्काएको मल्लले बताए । मल्लका अनुसार प्रचण्डले एमसीसीबारे दलहरुले आफ्नो मत संसदभित्रै राख्ने अवस्था पनि आउन सक्ने लुलाई बताएका थिए ।

भेटमा विदेशमन्त्री लुले शान्ति प्रक्रिया देखि आज सम्मको अवस्थामा प्रचण्डको भूमिकाको मुक्त कण्ठले प्रशंसा गरेको बताउँदै स्वकिय सचिव मल्लले प्रचण्डको भावि नेतृत्वको सफलताको लागि पनि लुले शुभकामना दिएको बताए ।

 

प्रकाशित मिति : ३ मंसिर २०७८, शुक्रबार  ६ : ३६ बजे

रास्वपाबाट इलाम- २ मा मिलन लिम्बु बने उम्मेदवार

काठमाडौं । राष्ट्रिय स्वतन्त्र पार्टी (रास्वपा) ले  वैशाख १५ गते

एमाले पार्टी कार्यालय अध्ययन भ्रमणमा पुगे रास्वपाका नेता

काठमाडौं । राष्ट्रिय स्वतन्त्र पार्टी (रास्वपा) का नेताहरुले नेकपा एमालेको

एमाले रुपन्देहीको दशौं अधिवेशन जेठ १६ र १७ गते, विभिन्न समितिहरु गठन गर्दै तयारी सुरु

बुटवल । नेकपा एमाले रुपन्देहीको दशौं अधिवेशन आगामी जेठ १६

लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु

बुटवल । प्रसुती सेवालाई बिस्तार गर्दै लगेको लुम्बिनी प्रादेशिक अस्पताल

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा