बुटवल । बुटवल उपमहानगरपालिका–३ का वडा अध्यक्ष लालप्रसाद बस्यालको आफ्नै घरको शौचालयमा लडेर मृत्यु भएको छ ।
सोमबार दिउँसो आफ्नै घरको शौचालय जाने क्रममा लडेर गम्भीर घाइते भएका बस्याललाई उपचारका लागि अस्पताल लगिएकोमा अस्पताल पुर्याए लगत्तै चिकित्सकहरुले मृत घोषणा गरेका थिए ।
अचेत अवस्थामा रहेका ७३ वर्षीय बस्याललाई बुटवल स्थित सिद्धबाबा अस्पतालमा उपचारका लागि लगिएको थियो । समयमै अस्पताल पुर्याइएपनि बचाउन नसकिएको सोही वार्डका वडा सदस्य लिला श्रेष्ठले जानकारी दिए । बस्यालको सबलाई अहिले गोलपार्क स्थित उनकै निवासमा राखिएको छ ।
बस्याल स्थानीयतह निर्वाचनमा एमालेको तर्फबाट वडा अध्यक्षमा निर्वाचित भएका थिए ।
प्रतिक्रिया