२४ घण्टामा कोरोनाका ३३२ संक्रमित थपिए, ४ जनाको मृत्यु

काठमाडौं । पछिल्लो २४ घण्टामा नेपालमा कोरोना भाइरसका ३३२ नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले बुधबार अपरान्ह सार्वजनिक गरेको नयाँ रिपोर्टअनुसार ९९२० जनामा गरिएको परीक्षणमा ३३२ जनामा संक्रमण देखिएको हो ।

यसै समयमा २३२ जना संक्रमणमुक्त भएका छन् भने ४ जनाको मृत्यु भएको छ ।

आज देशभर ७ हजार ३६९ जना सक्रिय संक्रमित रहेको मन्त्रालयले जनाएको छ ।