काठमाडौं । नेपाली कांग्रेसको १४ औं महाधिवेशनको पदाधिकारी चयनका लागि भएको सभापति पदका उम्मेदवारको जारी मतगणनामा शेरबहादुर देउवाको अग्रता कायमै छ ।
पछिल्लो विवरण अनुसार जम्मा दुई हजार ६७७ मतगणनामा शेरबहादुर देउवा १२६५, शेखर कोइराला ९८० मत प्राप्त भएको छ ।
प्रकाशमान सिंह २०४, बिमलेन्द्र निधि १६५, कल्याण गुरुङले १२ मत छ ।
सोमबार मतदान भएकोमा आज बिहान पौने चार बजेबाट राष्ट्रिय सभा गृहमा सभापति पदको मतगणना भइरहेको हो । नयाँ नेतृत्व चयनका लागि ४ हजार ६७९ मत खसेको छ । मतदानमा ६४ जना अनुपस्थित भएका थिए ।
कांग्रेसको विधानअनुसार सभापति निर्वाचित हुन ५० प्रतिशतभन्दा बढी मत ल्याउनुपर्छ । खसेको मतको आधारमा पहिलो चरणमै सभापति चुनिन २३४१ मत प्राप्त गर्नुपर्नेछ ।
प्रतिक्रिया