कांग्रेस महामन्त्रीमा गगन र विश्वप्रकाश विजयी, घोषणा हुन बाँकी

काठमाडौँ । नेपाली कांग्रेसको १४ औँ महाधिवेशनबाट महामन्त्रीमा गगन कुमार थापा र विश्वप्रकाश शर्मा विजयी भएका छन् ।

४३९० मत गन्दा गगन २८२३ मत ल्याएका छन् भने विश्वप्रकाशले १८२४ मत पाएका छन्।

तेस्रो स्थानमा प्रकाशशरण महत रहेका छन् । उनले अहिलेसम्म १४५५ ल्याएका छन् । त्यस्तै अर्को प्रत्यासी प्रदिप पौडेलले १३०३ मत प्राप्त गरेका छन् । निर्वाचन समितिका अनुसार मिनेन्द्र रिजालले ७५३ र राजाराम कार्कीले १०० मत ल्याएका छन् ।

थापाले अहिलेसम्म ल्याएको मत कांग्रेसको महाधिवेशनको सबैभन्दा बढी अर्थात् लोकप्रिय मत हो । उनले सभापति शेरबहादुर देउवालेभन्दा बढी मत पाएका छन् ।

महाधिवेशनमा कुल मत ४६७९ खसेको छ । ४३९० गन्दा अहिलेसम्म थापा र शर्मा अग्रस्थानमा रहेको छ । अब यो मन्तान्तर अनुसार अरु प्रत्यासीहरुले थापा र शर्मालाई उछिन्न सक्ने अवस्था छैन । उनीहरु विजयी भएको घोषणा गर्न भने बाँकी छ । सबै मतपरिणाम आएपछि निर्वाचन आयोगले उनीहरुलाई विजयी घोषणा गर्ने छन् ।