बाँकेमा ठुलो परिणाममा लागू औषध बरामद, १ जना पक्राउ

नेपालगन्ज । बाँके प्रहरीले ठुलो परिमाणको लागु औषध सहित १ जनालाई पक्राउ गरेको छ । मध्यान्ह १२ बजेको समयमा भारतबाट नेपाल आउँदै गरेका १ जनाबाट ठुलो परिमाणको लागु औषध बरामद भएको प्रहरीले जनाएको छ ।

नियमित चेकजाँचका क्रममा नेपाल भारत सिमाको जमुनाहाबाट लागु औषध सहित कैलाली लम्किचुहा नगरपालिका ४ का २४ वर्षिय कर्ण बोगटीलाई पक्राउ गरिएको जिल्ला प्रहरी कार्यालय बाँकेले जनाएको छ । प्रहरीका अनुसार पक्राउ परेका बोगटीबाट फेनिरामाइल एभिल २१५ पिस, नाईट्रोभेट १० पिस, ट्रामाडोल, २१० पिस गरि ४३५ पिस लागु औषध बरामद भएको छ ।