काठमाडौं । नेकपा माओवादी केन्द्रले राष्ट्रियसभा सदस्य चुनावका लागि उम्मेदवार टुंगो लगाएको छ ।
सत्तारुढ गठबन्धनबीच राष्ट्रियसभा चुनावमा मिलेर जाने सहमति भएसँगै माओवादीले आफुलाई प्राप्त भएका ६ जना उम्मेदवारको टुंगो लगाएको हो ।
माओवादीले प्रदेश २ मा उर्मिला अर्याललाई उममेदवार बनाएको छ । गण्डकीमा अन्य समुहबाट सुरेश आलेमगरलाई उम्मेदवार बनाएको छ भने दलित समुहबाट भरत सुनारलाई उम्मेदवार बनाएको छ । यसैगरी कर्णालीमा अपांग अल्पसंख्यकबाट नरबहादुर विष्ट र सुदुरपश्चिममा जगत पार्कीलाई उम्मेदबार चयन गरेको छ ।
हिजो बसेको माओवादीको केन्द्रीय समिति बैठकले उम्मेदवार चयन गर्ने जिम्मा अध्यक्ष प्रचण्डलाई दिएको थियो ।
एक जना राष्ट्रपतिबाट मनोनित गरिने भएकाले त्यसका लागि रामनारायण बिडारीको नाम अध्यक्ष प्रचण्डले टुंगो लगाएका छन् ।
रिक्त रहेका राष्ट्रिय सभा सदस्यमा यसअघि जुन पार्टीबाट निर्वाचित भएकाले थिए सोही पार्टीलाई छाडिने दिने सत्तारुढ गठबन्धनले निर्णय गरेको थियो । जसअनुसार माओवादी कोटाबाट बिडारी राष्ट्रिय सभामा मनोनीत भएका थिए । फेरि उनैलाई दोहोर्याउन थालिएको हो । तर, एमालेबाट निर्वाचित भएको स्थानमा भने गठबन्धनले भागबन्डा गरेको छ ।
राष्ट्रियसभामा रिक्त १९ पदमा आगामी माघ १२ गते निर्वाचन हुँदैछ । त्यसका लागि आजै उम्मेदवारी दर्ताको कार्यक्रम रहेको छ ।
प्रतिक्रिया