बुटवल । आवश्यक बचत तथा ऋण सहकारी संस्थाको ९ औं वार्षिक साधारण सभा तथा तेस्रो अधिवेशनले मनोज श्रेष्ठको अध्यक्षतामा नयाँ नेतृत्व चयन गरेको छ । सोमबार बुटवलमा सम्पन्न अधिवेशनले नयाँ नेतृत्व चयन गरेको हो ।
आगामी ३ वर्षे कार्यकालका लागि निर्वाचित ११ सदस्यीय समितिको उपाध्यक्षमा सुमन श्रेष्ठ, सचिब राजकुमार गुप्ता र कोषाध्यक्ष मुकेस बर्नवाल रहेका छन् । कार्यसमिति सदस्यहरुमा पारसनाथ केसरी, सुरेन्द्र श्रेष्ठ, हुसना बानु, सुमित खनाल, निराजन कर्माचार्य, बिष्णु बहादुर खत्री र अग्नी अग्रहरी रहेका छन् ।
यसैगरी लेखा समिती सँयोजकमा बिनय कसौधन, रिम बहादुर सारु र सरस्वती श्रेष्ठ चयन भएको संस्थाका सचिब राजकुमार गुप्ता राजुले बताए । सभाको उद्घाटन उद्घाटन गर्दै बुटबल उपमहानगरपालीकाकी उप प्रमुख गोमादेबि आचार्यले सहकारी संस्थाहरुले साना तथा उद्यमशिल नागरिकलाई सहज हुने गरेको बताइन् । बचत गर्ने बानीको बिकाससँगै उद्यममा लाग्न आग्रह समेत गरिन् ।
प्रतिक्रिया