काठमाडौं । सत्तारुढ गठबन्धनको उच्चस्तरीय राजनीतिक समन्वय समितिको बैठक बसेको छ ।
प्रधानमन्त्री निवास बालुवाटारमा बिहान पौने १० बजेबाट बसिरहेको बैठकमा स्थानीय तहको निर्वाचनका विषयमा छलफल भैरहेको छ ।
प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच आइतबार भेटवार्ता भएपछि आजका लागि राजनीतिक समन्वय समितिको बैठक बोलाइएको हो ।
निर्वाचन आयोग, प्रमुख प्रतिपक्ष र नागरिक समाजका तर्फबाट निर्धारित समयसीमाभित्रै स्थानीय तहको निर्वाचन गर्नुपर्ने दबाब सरकारलाई बढिरहेका बेला गठबन्धनको बैठक बसेको हो । स्थानीय निर्वाचन कानून बनाएर मात्रै गर्नुपर्ने अडान राख्दै आएका माओवादी केन्द्र र एकीकृत समाजवादीले मौजुदा कानूनअन्तर्गतै रहेर पनि निर्वाचन गर्ने विषयमा सहमत भएका छन् ।
गठबन्धनका शीर्ष नेताहरु सम्मिलित बैठकमा कोरोना भाइरसको तेस्रो लहर नियन्त्रणका विषयमा समेत छलफल हुने बताइएको छ ।
प्रतिक्रिया