पाकिस्तानले पायो सर्वोच्चमा पहिलो महिला न्यायाधीश

खबर कुरा
१० माघ २०७८, सोमबार
                 

इस्लामाबाद । पाकिस्तानमा पहिलो पटकमा सर्बोच्च अदालतमा महिला न्यायाधीश नियुक्त भएकी छिन् ।

न्यायाधीश आयसा मलिकले सोमबार सर्वोच्च आदलतको न्यायाधीशको सपथ खाएर इतिहास रचेकी हुन् ।

बिहीबार पाकिस्तानको न्याय सेवा आयोग (जेसीपी)ले मलिकलाई सर्वोच्चको न्यायाधीश नियुक्तिका लागि सिफारिश गरेको थियो । आयोगका पाँच सदस्यमध्ये चार जनाले उनको पक्षमा मतदान गरेका थिए । सर्वोच्चका प्रधान न्यायाधीश गुल्झर अहमेदले सोमबार नै मलिकलाई पद तथा गोपनियताको सपथ खुवाएका छन् ।

मलिकलाई सर्वोच्चको न्यायाधीश हुन त्यति सहज वातावरण भने थिएन। किनकी उनको प्रमोसनमा केही वकिलहरुले विरोध गरेका थिए । वरिष्ठताका हिसावले उनी लाहोर उच्च न्यायालयको चौथो वरियतामा थिइन् ।

सर्वोच्चका १७ न्यायाधीशमध्ये अगस्टमा  एक जना न्यायाधीशले सेवानिवृत्त पाएपछि एउटा सिट रिक्त थियो । -एजेन्सी

यसमा तपाइको मत

Your email address will not be published.


*