नेपालगन्ज । बाँके प्रहरीले नेपालगन्जमा ब्राउन सुगरको कारोबार गर्ने गिरोहका ३ जनालाई पक्राउ गरेको छ । जिल्ला प्रहरी कार्यालयको लागु औषध नियन्त्रण ब्यूरो र वडा प्रहरी कार्यालयको संयुक्त टोलिले नेपालगन्ज १० ट्राफिक चोकबाट ३० ग्राम ब्राउन सुगर र ब्राउन सुगर बेचेको पैसा सहित ३ जनालाई पक्राउ गरेको हो ।
पक्राउ पर्नेहरुमा नेपालगन्ज १० की ३५ वर्षिय स्थानीय मुन्नी जोलाहा, नेपालगन्ज १६ का ३९ वर्षिय कल्लु जोलाहा र सोही स्थानकी ३५ वर्षिया जरिना अन्सारी रहेका छन् । प्रहरीका अनुसार मुन्नीको सुइटरको खोल्टीबाट ३० ग्राम ब्राउन सुगर बरामद भएको छ भने अन्य २ जनाबाट नेपाली ७० हजार ५ सय र ७९ हजार ३५० भारतीय रुपैयाँ गरि १ लाख ८३ हजार साठी रुपैयाँ समेत बरामद भएको छ ।
उनीहरुलाई लागु औषध कारोबार ऐन बमोजिम अनुसन्धान भइरहेको बाँके प्रहरी प्रवक्ता डीएसपी मधुसुदन न्यौपानेले बताए ।
प्रतिक्रिया