जन्मोत्सवको खर्च बृद्धाश्रममा

बुटवल । पछिल्लो समयमा जन्मोत्सव धुमधामका साथग मनाउने प्रचलन बढ्दै गएको छ । तर केही व्यक्तिहरु भने जन्मोत्सवको खर्च असाहय दिनदुखीको सेवामा पनि खर्च गर्ने गरेका छन् । त्यसैको गत्तिलो उदाहरण हुन बुटवल–बेलावासका माधव लोहनी ।

लोहनीले विगत ६ वर्षदेखि आफ्नो जन्मोत्सवमामा खर्च हुने रकम समाजसेवामा खर्चिदै आएका छन् । मायादेवी जनजगृति आधारभुत विद्यालयमा अध्यापनरत लोहनीले आइतबार पनि आफ्नो जन्मोत्सवको खर्च रकम बुटवल–२ पाखापनीस्थित श्री दुर्गा भवानी शिवकुमारी सैँजु बृद्धाआश्रममा सहयोग गरेका छन् ।

उनले नेपाल रेडक्रस सोसाईटी मुणिमुकुन्द उपशाखाका सदस्य समेत रहेका उनले हरेक वर्ष आफ्नो जन्मोत्सव असहाय, दिनदुखीहरुसंगै बनाउदै आएको बताए । ‘मेरो जन्मोत्सवमा म खुशी भएर के गर्नु,’ उनले भने, ‘मेरो जन्मोत्सवमा खुशी हराएका हरुलाई खुशी पार्नुपर्छ भन्ने मनसायले मैले विगत ६ वर्षदेखि यो कार्य गर्दै आएको छु ।’