बुटवल । लुम्बिनी प्रदेशको मुख्यमन्त्री तथा मन्त्रीपरिषदको कार्यालय अगाडि सोमबार प्रहरी र नेकपा एमालेको भातृ संगठन अनेरास्ववियूबीच झडप भएको छ ।
पेट्रोलियम पदार्थको मुल्यवृद्धिका विरुद्ध तथा स्थानीय तहको निर्वाचनको मिति तोक्नु पर्ने माग सहित मुख्यमन्त्री कार्यालय अगाडि धर्ना दिन पुगेका अनेरास्ववियूका कार्यकर्ताहरुलाई प्रहरीले रोक्न खोजेपछि झडप भएको हो ।
झडपमा परी ५ जना अनेरास्ववियूका नेता कार्यकता घाइते भएको अनेरास्ववियूका केन्द्रीय उपाध्यक्ष यामराज पाण्डेले जानकारी दिए ।
झडपमा अनेरास्ववियूका केन्द्रीय सचिवालय सदस्य बालकृष्ण पाण्डे, शेषकान्त पोखरेल, बुटवल नगर अध्यक्ष रोशन घिमिरे, कृष्ण पौडेल, गुनबहादुर श्रेष्ठ लगायत घाइते भएको अनेरास्ववियूले जनाएको छ ।
प्रतिक्रिया