खजुरा । खजुराको डी गाँउमा डकैती गर्ने समुहका २ जनालाई बाँके प्रहरीले पक्राउ गरेको छ । खजुरा १ नम्बरमा सुन पसल गर्ने हरि बहादुर बिकको डी गाँउ स्थित घरमा पेस्तोल ताकेर डकैती गर्ने समुहका २ जनालाई बाँकेको जानकी गाँउपालिका ५ बढीगाँउबाट प्रहरीले पक्राउ गरेको हो ।
सो समुहका भारत रुप्ैडिया घर भएका २६ वर्षिय डल्लु महिनार र भारत बाबागन्ज बाबाकुटीका २८ वषीय निजामुद्दीन कवडीयालाई शनिबार बिहान प्रहरीले पक्राउ गरेको हो । पक्राउ परेकाहरुबाट १ थान पेस्तोल बरामद भएको प्रहरीले जनाएको छ ।
सो समुहले पौष २९ गते बर्दिया बढैयाताल ८ बस्ने पर्शुराम सार्कीको घरबाट राति पेस्तोल देखाई ३,३५,०००। बराबरको नगद र सुन लुटेको थियो भने माघ १७ गते खजुरा डि गाउँ बस्ने हरी बहादुर बिकको घरबाट परिवारका सबै सदस्यहरुलाई बाँधेर बन्धक बनाई नगद ५०,०००।,सुन साढे ३ तोला र २२० सिसीको पल्सर मोटरसाईकल लुटेर लगेका थिए ।
प्रतिक्रिया