काठमाडौं । नेकपा (माओवादी केन्द्र)ले अमेरिकी सहयोग परियोजना एमसीसी सम्झौताको विपक्षमा उभिने निर्णय गरेको छ ।
माओवादी केन्द्रको संसदीय दलको आज बसेको बैठकले यथास्थितिमा एमसीसी सम्झौता संसदमा पेश गरिए त्यसको विपक्षमा उभिने निर्णय गरेको हो ।
बैठकले यथास्थितिमा एमसीसी पास गर्न नसकिने निष्कर्ष निकालेको छ । बैठकपछि संचारकर्मीसँग कुरा गर्दै प्रमुख सचेतक देव गुरुङले संशोधनविना एमसीसी पास गर्न नसकिने स्पष्ट पारे । उनले भने, ‘एमसीसीमा रहेका असमान शर्तहरु, असमान प्रावधानहरु संशोधन नगरी यथास्थितिमा यसलाई अगाडि बढाउन सकिदैन,’
संसद बैठक आजै दिउँसो १ बजे बस्दैछ । बैठकमा एमसीसी सम्झौता अनुमोदनका लागि पेश गर्ने सरकारको तयारी छ । गुरुङले सहमति विना जबरजस्ती संसद बैठकमा पेश भए सरकारबाट बाहिरिने बताए ।
प्रतिक्रिया