बुटवल । बुटवल उपमहानगर १ को पुरानो बुटवलमा आगलागी हुँदा लाखौंको धनमालको क्षती भएको छ । पारि बुटवल स्थित फुडमाया रेष्टुरेन्टमा आज साँझ आगलागी भएको हो ।
स्थानीय रैनू मियाको काठले बनेको २ तले घरमा रहेको सो रेष्टुरेन्टमा साँझ अन्दाजी ५ः३० बजे आगलागी भएको प्रहरीले जनाएको छ । इलाका प्रहरी कार्र्यालयका इन्चार्ज प्रहरी नायव उपरीक्षक ठगबहादुर केसीको नेतृत्वमा ३५ जना र वडा प्रहरीका टोलिले ४ वटा दमकलको सहयतामा आगलागी नियन्त्रणमा आएको प्रहरी नायव उपरिक्षक केसीले बताए ।
आगलागी नियन्त्रणका लागि बुटवल उपमहानगरका २, सैनामैनाबाट १ र तिलोत्तमा नगरपालिकाको १ दमकलबाट आगलागी नियन्त्रण गरिएको थियो । स्थानीयको सहयोगमा सामान पन्छाउने काम भइरहेकाले क्षतीको विवरण आइनसकेको प्रहरीले जनाएको छ । रेष्टुरेन्टमा बिक्रि गरिने हुक्काबाट आगो सल्केको हुन सक्ने अनुमान गरिएको छ ।
प्रतिक्रिया