बुटवल । युवा अर्थशास्त्री विज्ञानबावु रेग्मीले कृषि उत्पादनबाट राष्ट्रको भविश्य नरहेको बताएका छन् । प्रेस चौतारी नेपालले आज बुटवलमा आयोजना गरेको पत्रकार भेटघाट कार्यक्रममा बोल्दै अर्थशास्त्री रेग्मीले कृषिबाट राष्ट्रको भविश्य नकोरिने दाबी गरे ।
उनले कृषिले केहि समय आत्मनिर्भर बनाउन सकेपनि भविश्य सुनिश्चित गर्न नसक्ने बताउँदै कृषिलाई उत्पादन तर्फ रुपान्तरण गर्दै लैजानुपर्ने बताए । उनले नेपालको अर्थतन्त्र अहिले नै श्रीलंका जस्तो नभएको उल्लेख गर्दै अर्थतन्त्रको अराजकता कायम रहे श्रीलंकाको बाटोमा मुलुक जान सक्ने चेतावनी दिए ।
अर्थशास्त्री रेग्मीले अर्थमन्त्रीले गभर्नर हटाउनु गलत भएको टिप्पणी गर्दै मौद्रीक क्षत्रमा सरकारको हस्तक्षपले अराजकता उत्पन्न हुने बताए । उनले गठबन्धनसँग देश बनाउने स्पष्ट योजना नरहेपनि एमालेले भने समृद्दीको नारा नछाडेको बताए ।
अक्सफार्ड कलेज अमेरिकाबाट स्नाकोत्तर गरेर नेपाल फर्केका रेग्मीले आफु अमेरिका छंदा नै बुटवलको आर्थिक गतिबिधिको चर्चा सुनेका कारण बुटवललाई नजिकबाट बुझ्न आएको जनाए ।
प्रतिक्रिया