१५ माघ २०७९, आइतबार | January 30, 2023

उम्मेदवारहरुको आचारसंहिता उल्लंघन गर्ने होड, आयोगको कारवाही शुन्य



बुटवल । स्थानीय तह निर्वाचनको दिन नजिकिंदै जाँदा उम्मेदवारहरुको आचारसंहिता उल्लंघन गर्ने होड चलेको छ । आचारसंहिता उल्लंघन गर्नेमा संघीय सरकारका मन्त्री, प्रदेश सरकारका मन्त्रीदेखि बहालवाला पालिकाका अध्यक्षहरु अग्रभागमा देखिएका छन् ।

संघीय सरकारका गृहमन्त्री बालकृष्ण खांणले राज्य शक्तिको आडमा चितवनमा कांग्रेसबाट बागी उठेका उम्मेदवारलाई उम्मेदवारी फिर्ता गराउन दवाव दिएको चर्चा चलेपछि आयोगले विज्ञप्ति नै निकालेर दवाव नदिन ध्यानाकर्षण गराएको छ भने गृहमन्त्री कै सहोदर भाई रामकृष्ण खांणले उम्मेदवारी दर्ता गर्दाकै दिन बालबालिकाहरुलाई पञ्चकन्याका रुपमा प्रयोग गरेर आचारसंहिताको उल्लंघन गरेका थिए ।

उता नेपालगन्जमा प्रदेश सरकारका बन, वातावरण तथा भू संरक्षण मन्त्री सुरेन्द्र हमाल हरेक दिन कांग्रेस उम्मेदवारको प्रचारमा खुलेरै हिंडिरहेका छन् । नेपालगन्जकै माओवादीबाट राप्रपामा प्रवेश गरेर मेयरको टिकट पड्काएका नन्दलाल बैश्यले आचारसंहिता विपरित भित्ताहरुमा पोस्टर टाँसेका छन् ।

बाँकेकै खजुरा गाँउपालिकाका अध्यक्ष किस्मत कुमार कक्षपतिलाई एमालेको जिल्लाभरीको उम्मेदवार जिताउन भ्याइनभ्याई छ भने तिलोत्तमाका नगर प्रमुखले त आयोगले सुन्ने गरि आफुले आचारसंहिता उल्लंघन गरेको स्व घोषणा गरेका छन् ।

स्थानीयतह निर्वाचन आचारसंहिता २०७८ को दफा ५ (क) मा नेपाल सरकार, प्रदेश सरकारका मन्त्री, स्थानीय कार्यपालिका तथा स्थानीय कार्यपालिकाका पदाधिकारीहरुले कुनैपनि राजनीतिक दल तथा उम्मेदवारहरुको प्रचार प्रसारमा हिँड्न प्रतिबन्ध लगाएको छ ।

जिल्ला निर्वाचन कार्यालय रुपन्देहीले भने तिलोत्तमा नगरपालिका प्रमुखका विरुद्ध बाहेक अहिले सम्म कुनै उजुरी नपरेको जनाएको छ । प्रमुख जिल्ला निर्वाचन अधिकृत अयोध्या प्रसाद भण्डारीले पालिकामा नै खुलेका निर्वाचन अधिकृतको कार्यालयबाट आचारसंहिताको उजुरी लिने व्यवस्था भएकाले त्यसको अनुगमन भइरहेको जानकारी दिए ।

आयोगले बिभिन्न सञ्चारमाध्यममा आएका आचारसंहिता उल्लंघनका समाचारहरुलाई पनि नजिकबाट नियालिरहेको बताउँदै प्रमाण खुलेको अवस्थामा नियमानुसार प्रक्रिया अगाडी बढ्ने बताए ।

प्रकाशित मिति : २० बैशाख २०७९, मंगलबार  ११ : ४३ बजे

पाल्पामा मोटरसाइकल दुर्घटना हुँदा १ जनाको मृत्यु

पाल्पा । पाल्पाको रामपुरमा मोटरसाइकल दुर्घटना हुँदा एकजनाको ज्यान गएको

भुतखोलामा डुबेर एकजनाको मृत्यु

बुटवल । सिद्धार्थ राजमार्ग अन्तर्गत पाल्पा तिनाउ गाँउपालिका २ भुतखोलामा

बाँकेमा श्रीमती र नाबालक छोरालाई जिउँदै जलाएर श्रीमान फरार, दुबैजना गम्भीर घाइते

नेपालगन्ज । बाँकेको कोहपलुरमा आफ्नै श्रीमानले श्रीमती र नाबालक छोरा

राजश्व अनुसन्धान विभागका शाखा अधिकृत गैरकानुनी आर्जनमा दोषी ठहर

काठमाडौं । राजश्व अनुसन्धान विभाग तत्कालीन शाखा अधिकृत रामजी रिजाल

डिसहोमको अध्यक्षमा सांसद देवी भट्टचन चयन

काठमाडौं । डिस मिडिया प्रालि (डिसहोम)को अध्यक्षमा देवीप्रसाद भट्टचन चयन