२३ माघ २०७९, सोमबार | February 7, 2023

भारतमा मुुस्लिम विरोधी गतिविधि बढेको भन्दै पाकिस्तानद्वारा निन्दा



पाकिस्तानले भारतको कर्नाटक राज्यमा मुसलमान विरोधी गतिविधि बढ्दै गएको भन्दै निन्दा गरेको छ ।

कर्नाटक राज्यमा अजान विरोधी विचलित पार्ने कदमहरू बढेको भन्दै त्यसको निन्दा गरेको हो ।

मंगलबार पाकिस्तानको विदेश मन्त्रालयले विज्ञप्ति जारी गर्दै मस्जिदहरुमा प्राथनाको विरोधमा लाउडस्पिकरमा हनुमान चालिसा र अन्य हिन्दु भक्तिका गीत लाउडस्पिकरमा बजाउन थालिएको भन्दै त्यस्तो कार्यको भत्र्सना गरेको छ । विदेश मन्त्रालयका प्रवक्ता आसिम इफ्तिकारले कर्नाटकामा श्रीराम सेना प्रमुखले हनुमान चालिसा र अन्य हिन्दू धार्मिक भजनहरूको उत्तेजक गीत बजाएर अजानलाई डुबाउनको लागि घृणित आह्वान गरेको एक दिन पछि मात्र ती विचलित घटनाहरू भएको दाबी गरेका छन् ।
तथाकथित अजानबाट मुक्ति अभियान सुरु गरेर हिन्दु कट्टरपन्थी समुहले भाजपा शासित राज्यमा धार्मिक कट्टरवादको नयाँ स्तरलाई उजागर गरेको विज्ञप्तिमा जनाइएको छ ।
यस्तै, प्रवक्ताले साम्प्रदायिक सद्भाव सुनिश्चित गर्ने बहानामा भारतका विभिन्न राज्यहरूमा मस्जिदहरूबाट लाउडस्पीकरहरू हटाइने गरेकोमा खेद व्यक्त गरेका छन् ।

भारतमा मुसलमा समुदायलाई मौलिक अधिकारबाट वन्चित गर्ने उद्देश्यले ल्याइएको बहिस्कृत नीतिले केवल भारतीय राज्य एवं समाजमा मुस्लिम विरोधी पूर्वाग्रहको उजागर गरेको छ । उनले भनेका छन्, पाकिस्तान भारत सरकारसँग अल्पसंख्य, विशेष रूपले मुलसमान एवं उनीहरुको प्राथनास्थल विरुद्ध भैरहेको हिंसाका घटनाको पारदर्शी जांच गर्न र भविष्यमा यस्ता घटना रोक्ने उपाय अपनाउन भारत सरकारसँग आग्रह गर्दछ ।

यस्तै, प्रवक्ताले भारतमा इस्लामोफोबियाको बढ्दो अवस्थालाई नोट गर्न र त्यहाँ बसोबास गर्ने मुस्लिम समुदायको धार्मिक स्वतन्त्रता र सुरक्षा सुनिश्चित गर्न अन्तर्राष्ट्रिय समुदायलाई आफ्नो उचित भूमिका खेल्न आह्वान समेत गरेका छन् ।

प्रकाशित मिति : २८ बैशाख २०७९, बुधबार  १० : ५१ बजे

बढ्यो पेट्रोल, डिजल र मट्टितेलको मूल्य

काठमाडौँ । नेपाल आयल निगमले मध्यरातीबाट लागु हुने गरि पेट्रोलियम

कांग्रेसले प्रतिपक्ष दलको भूमिका निर्वाह गर्न सकेन : बिजुक्छेँ

भक्तपुर । नेपाल मजदुर किसान पार्टीका अध्यक्ष नारायणमान बिजुक्छेँले नेपाली

सासु कुट्ने बुहारीलाई ३ महिना जेल पठाइयो

अछाम । अछाम जिल्ला अदालतले ५३ वर्षीया सासू कुटपिट घटनामा

छ महिनामा भित्रियो पाँच खर्ब ८५ अर्ब विप्रेषण

काठमाडौं । चालु आर्थिक वर्षको छ महिनामा कूल रु पाँच

नागरिक उन्मुक्तिका सांसद चौधरीको मुद्दामा उच्च अदालतबाट अन्तरिम आदेश दिन अस्विकार

धनगढी । नागरिक उन्मुक्ति पार्टीका सचेतक तथा प्रतिनिधिसभा सदस्य अरुणकुमार