काठमाडौं । स्थानीय तह निर्वाचन २०७९ अन्तर्गत वैशाख ३० गते भएको निर्वाचनमा दैलेखको नौमुले गाउँपालिकाको अध्यक्ष पद माओवादी केन्द्रले जितेको छ ।
माओवादी उम्मेदवार छवि सुवेदीले आफ्ना निकतटम प्रतिद्वन्द्वी भन्दा ६५६ मत बढी ल्याएर विजयी भएका छन् ।
सुवेदीले ३ हजार २०० मत ल्याएका छन् । नेपाली कांग्रेसका भले बुढामगरले २ हजार ५४४ मत ल्याएका छन् । नौमुलेमा नेकपा एमालेका शसिराम विश्वकर्माले १९२० मत ल्याएर तेस्रो बने ।
कर्णाली प्रदेशको दैलेखमा यसअघि कमजोर उपस्थिति रहे पनि युवा र वौद्धिक नेता सुवेदीले माओवादीलाई सम्मानयुक्त स्थानमा पुर्यएका छन् । दैलेखमा माओवादी केन्द्र र एकीकृत समाजवादीको गठबन्धन बनेको थियो ।
यसअघि २०७४ सालमा भएको स्थानीय तह निर्वाचनमा दैलेखमा माओवादी शुन्य अवस्थामा रहेको थियो ।
गाउँपालिकाको उपाध्यक्षमा एकीकृत समाजवादीका गंगबहादुर शाही विजयी भएका छन् । शाहीले २८४३ मत पाएका छन् । उनका प्रतिस्पर्धी नेपाली कांग्रेसकी अमृता सिंहले २४०५ मत ल्याइन् भने तेस्रो स्थानमा रहेको एमालेकी गीत चन्दले १९१८ मत मात्र पाइन् ।
माओवादी सशस्त्र युद्धकालमा नौमुले निकै चर्चित स्थान बनेको थियो ।
प्रतिक्रिया