बुटवल । रुपन्देहीको देवदह नगरपालिकाको नगर प्रमुख र उप प्रमुख दुवै पदमा एमालेले अग्रता लिएको छ ।
देवदह नगरपालिकामा हाल सम्म ५ हजार मत गणना हुँदा एमालेका ध्रुव खरेलले ९७ मतले अग्रता कायम राखेका छन् ।
नगर प्रमुखका उम्मेदवार खरेलले १ हजार ८ सय ९१ मत ल्याउदा नेपाली काङ्ग्रेस माओवादी गठबन्धनका उम्मेदवार हिरा केसीले १ हजार ७ सय ९४ मत ल्याएका छन् ।
यसअघि पनि देवदहका मेयर रहेका केसी माओवादी संगको गठबन्धनबाट उम्मेदवार बनेर निर्वाचित भएका थिए ।
देवदहको उपप्रमुखमा पनि एमालेकी विद्यालक्ष्मी गुरुङ ६ सय ६ मतले अगाडी छन् । उपप्रमुखमा बिद्यालक्ष्मी गुरुङले १ हजार ८ सय मत पाउदा गठबन्धनबाट उम्मेदवार बनेकी माओवादी केन्द्रकी सुन्दरी गिरीले १ हजार १ सय ९४ मत प्राप्त गरेकी छन् ।
प्रतिक्रिया