बुटवल । देवदह नगरपालिकाका नवनिर्वाचित नगर प्रमुख धुब्र खरेल र उपप्रमुख विद्यालक्ष्मी गुरुङले पदभार ग्रहण गरेका छन । नगर प्रमुख खरेलले सोमबार बिहान पद तथा गोपनीयताको सपथग्रहण गरेका हुन ।
त्यस्तै दिउँसो देवदहमै आयोजित पदस्थापन समारोहमा नवनिर्वाचित उपमेयर सहित वडाअध्यक्ष सदस्यहरुलाई नगरप्रमुख खरेलले सपथ ग्रहण गराएका थिए । त्यसपछि देवदह नगरपालिकाको कार्यालयमा आयोजित रक्तदान कार्यक्रम गरेपछि नगरप्रमुख खरेल र उपप्रमुख गुरुङ कार्यकक्षमा पुगेर पदभार ग्रहण गरेका हुन । सो अवसरमा नगरप्रमुख खरेलले २ वटा निर्णयमा हस्ताक्षार गरेका थिए ।
देवदह नगरपालिकालाई पुर्ण स्वास्थ्य बिमायुक्त नगरपालिका बनाउन नगरबासीलाई विमा कार्यक्रममा आबद्ध हुन आव्हान गर्ने, अति विपन्न, अल्पसंख्यक र बञ्चितिकरणमा परेका लक्षित समुह भित्रका नागरिकलाई सहुलियत प्रदान गरी प्रोत्साहन गर्ने र त्यसका लागि प्रथम चरणमा ख बर्गका अशक्त, नागरिकहरु, नगरपालिकाको कार्यालय र अन्तर्गतका स्वास्थ्य संस्थामा कार्यरत महिला स्वास्थ्य स्वयमसेविका एवं सरसफाईकर्मीहरुको निशुल्क स्वास्थ्य विमा गर्ने पहिलो निर्णय गरेका छन । त्यस्तै देवदह नगरपालिकाको शुसासन प्रबद्र्धनका लागि प्रत्येक ६÷६ महिनामा अनिबार्य रुपमा सार्वजनिक सुनुवाई गर्ने पनि निर्णय नगरप्रमुख खरेलले गरे ।
प्रतिक्रिया