पोखरा अपडेट : मेयर पदमा एकीकृत समाजवादीका धनराज निरन्तर अगाडि, उपमेयरमा कोपिलाको अग्रता

पोखरा । पोखरा महानगरमा ६३२१२ मत गणना हुँदा गठबन्धनको तर्फबाट नेकपा एकीकृत समाजवादीका मेयर पदमा उम्मेदवार धनराज आचार्यले आफ्नो अग्रता कायम राखेका छन् । आचार्यले नेकपा एमालेका उम्मेदवार कृष्ण थापालाई ३१०८ मतान्तरले अग्रता लिएका हुन् ।

पछिल्लो परिणाम अनुसार आचार्यले २६०६१ मत पाउँदा एमालेका थापाले २२९५३ मत पाएका छन् । राप्रपाका शंकर खनालले २६७० र स्वतन्त्र खड्कराज पाडेलको १५६८ मत रहेको छ ।

त्यसैगरि पोखरा महानगरको उपप्रमुखमा गठबन्धनबाट कांग्रेस उम्मेदवार कोपिला रानाभाटको २६३२५ मत आउँदा एमालेकी मन्जु गुरुङले २६२४२ मत पाएकी छन् । राप्रपाकी रन्जना सेनले २४७० मत पाएकी छन् ।