खजुरा गाँउ कार्यपालिकाले पायो पूर्णता

खबर कुरा
१५ जेष्ठ २०७९, आईतवार
                 

खजुरा । बाँके खजुरा गाउँपालिकाको कार्यपालिकाले पुर्णता पाएको छ । आइतबार गठबन्धनबाट चुनाव लडेका नेपाली कांग्रेस र माओवादी केन्द्रको भागवन्डाबाट प्रस्तावित सदस्यहरुलाई सर्वसम्मत रुपमा रुपमा निर्वाचित गर्दै गाउँ कार्यपालिकाले पूर्णता पाएको हो । निर्वाचित हुने ६ जना सबै महिला रहेका छन ।

कार्यपालिका सदस्यलागि भागवन्डाका आधारमा नेपाली कांग्रेस र माओवादी केन्द्रका उम्मेदवारले मात्र मनोनयन दर्ता गराएका थिए ।

६ जना बाहेक अन्य दलबाट उम्मेदवारी नपरेपछि आइतबार नै सर्वसम्मत निर्वाचित भएको घोषणा गरिएको निर्वाचन अधिकृतको कार्यालय खजुराले जनाएको छ ।

स्थानीय तह निर्वाचन ऐन २०७३ को दफा २५ अनुसार सदस्यहरुको निर्वाचन गरिउको हो । खजुरा गाउँपालिकामा कांग्रेस र माओवादी गठबन्धनको उम्मेदवारहरुले बहुमत पुग्ने गरि जितेका छन् ।

कार्यपालिकामा कांग्रेसले ४ जना र माओवादीले २ सदस्य लिने सहमति अनुसार उम्मेदवारी दर्ता भएको थियो । कार्यपालिकामा निर्वाचित जनप्रतिनिधिहरुबाट नेपाली कांग्रेसको तर्फबाट सुब्बुन धोबी (चमार), विष्णु सुनार, खतमुल निशा साई र माओवादी केन्द्रबाट मैसरी पुन निर्वाचित भएका छन् ।

दलित वा अल्पसंख्यकबाट कांग्रेसकी पार्वती कुमारी विश्वकर्मा र माओवादीबाट कृष्ण कुमारी पोखरेल विक निर्वाचित भएकी छन् । ६ जना सदस्य सर्वसम्मत भएपछि अब खजुरा गाउँपालिकाको कार्यपालिका १६ सदस्यीय बनेको छ ।

आइतबार खजुरा गाउँपालिकाको निर्वाचन कार्यालयका मुख्य निर्वाचन अधिकृत लोक बहादुर सुनार, खजुरा गाउँपालिका अध्यक्ष डम्बर विक तुफान, उपाध्यक्ष मन्जु मल्लले निर्वाचित सदस्यहरुलाई बधाई तथा सफल कार्यकालको शुभकामना दिएका थिए ।

यसमा तपाइको मत

Your email address will not be published.


*