काठमाडौं । मुस्ताङमा भएको तारा एयरको विमान दुर्घटनास्थलमा उद्दार कार्य जारी रहेको छ ।
नेपाली सेना, सशस्त्र प्रहरी, नेपाल प्रहरी र स्थानीय जनता समेत बिहानैदेखि उद्दारमा खटिएका छन् । अहिले पनि शव संकलनको कार्य जारी रहेको छ । अहिलेसम्म १६ जनाको शव संकलन भएको छ । निकै अप्ठेरो भूगोलमा र कुहिरोका कारण उद्दारमा कठिनाई भएको उद्दारमा खटिएका सुरक्षाकर्मीले जनाएका छन् ।
आइतबार बिहान ९ बजेर ५५ मिनेटमा पोखराबाट मुस्ताङको जोमसोमका लागि उडान परेको तारा एयरको ट्वीनअटर जहाज वेपत्ता भएको थियो । सो जहाज क्षतविक्षत अवस्थामा आज बिहान थासाङ २ मा फेला परेको थियो ।
सो जहाजमा चालकदलका तीन सदस्य १३ नेपाली, ४ भारतीय र २ जर्मन नागरिक रहेका थिए ।
प्रतिक्रिया