काठमाडौं । मुस्ताङमा भएको तारा एयर दुर्घटनाका मृतकको शव बोकेर नेपाली सेनाको हेलिकोप्टर काठमाडौंका लागि उडेको छ ।
दुर्घटनास्थलबाट पोखरा ल्याइएका शवलाई परीक्षणका लागि काठमाडौं ल्याइएको हो ।
आइतबार बिहान भएको जहाज दुर्घटनामा २२ जनाको मृत्यु भएको थियो । आज बिहान फेला परेको जहाजको भग्नावशेष आसापास खोजीकार्य गर्दा २१ जनाको शव फेला परेको थियो । एकजनाको शव अझै भेटिन बाँकी रहेको छ ।
सेनाको हेलिकोप्टर अहिले १० जनाको शव बोकेर पोखराबाट काठमाडौं आउँदैछ ।
थप ११ वटा शवलाई दुर्घटनास्थलबाट कोवाङमा रहेको हेलिप्याडसम्म झार्न नसकिएको सेनाले जनाएको छ ।
प्रतिक्रिया