भक्तपुरमा टिपरको ठक्करबाट दुई जनाको मृत्यु

भक्तपुर । टिप्परको ठक्करबाट भक्तपुरका दुई जनाको मृत्यु भएको छ ।

आज बिहान भक्तपुरको आदर्श नगर सडक खण्डमा काठमाडौंबाट जगाती तर्फ जाँदै गरेको बा ७९ प ७८७६ नम्बरको मोटरसाइकललाई बा ४ ख ५२९८ टिपरले ठक्कर दिएको थियो । दुर्घटनामा दुई जना घाइते भएका थिए ।

उनीहरुलाई उपचारका लागि भक्तपुर अस्पताल लगिएको थियो । दुवै जनाको उचपारका क्रममा भक्तपुर अस्पतालमा मृत्यु भएको ट्राफिक प्रहरी महाशाखा रामशाहपथले जनाएको छ ।

दुवै जनाको परिचय खुल्न सकेको छैन। ठक्कर दिने टिपर र चालकलाई प्रहरीले नियन्त्रणमा लिएको छ ।