तारा एयर जहाज दुर्घटना: आज मृतकको शव परिवारको जिम्मा लगाइँदै

खबर कुरा
१९ जेष्ठ २०७९, बिहीबार
                 

काठमाडौं । पोखराबाट जोमसोमका लागि उडेको तारा एअरको जहाज दुर्घटनामा मृत्यु भएका २२ जनाको शव आज परिवारको जिम्मा लगाइँदै छ ।

जेठ १५ गते बिहान पोखराबाट जोमसोमका लागि उडेको तारा एअरको जहाजर मुस्ताङको थासाङ गाउँपालिका २ सानुसरेमा दुर्घटनाग्रस्त अवस्थामा भेटिएको थियो । जहाजमा सवार १९ यात्रु र तीन जना चालक दलका सदस्यको मृत्यु भएको थियो ।

यार्सागुम्बा खोज्न गएका स्थानीय बासिन्दाले दुर्घटनाग्रस्त अवस्थामा जहाज देखेका थिए । उनीहरुले स्थानीय प्रशासनलाई खबर गरेपछि नेपाली सेना, नेपाल प्रहरी र सशस्त्र प्रहरीको टोलीले खोजबिन गरेको थियो ।

दुर्घटनामा सबै यात्रु र चालक दलका सदस्यको मृत्यु भएको थियो । उनीहरुको शव सुरक्षाकर्मीले पोखरा हुँदै काठमाडौं ल्याएका थिए ।

सबै जनाको महाराजगञ्जस्थित त्रिवि शिक्षण अस्पतालमा पोस्टमार्टम गरिएको छ । बुधबार पोस्टमार्टम गरिएको र आज शव आफन्तको जिम्मा लगाइने भएको छ ।

यसमा तपाइको मत

Your email address will not be published.


*