काठमाडौलाई हप्तामा एकदिन साइकल डे बनाउने की, डेडिकेटेड लेन बनाउने अध्यन गर्छौं : मेयर बालेन्द्र साह

खबर कुरा
२१ जेष्ठ २०७९, शनिबार
                 

काठमाडौं । काठमाडौं महानगरपालिकाका मेयर बालेन्द्र साहले काठमाडौलाई हप्ताको एक दिन साईकल डे बनाउने की बिभिन्न स्थानहरुमा डेडिकेटेड लेन बनाउने भन्ने विषयमा अध्ययन जरुरी भएको बताएका छन् ।

शनिबार विश्व साइकल दिवसको उपलक्ष्यमा आयोजना गरिएको साइकल र्‍याली कार्यक्रममा बोल्दै मेयर साहले अध्ययन नगरिकन साइकल लेन नबनाइने बताए ।

साइकल अभियन्ताहरुले निर्वाचन अघि साहले साइकल लेनको प्रतिबद्धता व्यक्त गरिसकेको बताएपनि कार्यक्रममा मेयर साहले आफु सम्म प्रतिबद्धता पत्र नै आइनपुगेको बताए । ‘भोलिका दिनमा प्रतिबद्धता पत्रहरू ल्याइदिनु होला। र हामी के गर्न सक्छौं काठमाडौं महानगरपालिकामा हप्ताको एक दिन साइकल डे बनाउन सक्छौं कि, साइकलको लागि डेडिकेटेड लेनहरू बनाउन सक्छौं कि,’ उनले भने ।

उनले अध्ययन नगरी लेन बनाएमा दुर्घटनाको सम्भावना हुने पनि बताए ।

अन्य मुलुकका छुट्टै साइकल लेन हुने बताउँदै उनले गाडी हिँड्ने बाटोसँगै साइकल हिँडाउन सुरक्षाको खतरा हुने बताए । ‘साइकलको स्पिड कम हुन्छ। गाडीको स्पिड धेरै हुन्छ, दुर्घटना हुने सम्भावना धेरै हुन्छ।’ उनले भने ।

यसमा तपाइको मत

Your email address will not be published.


*