अंश मुद्दामा विवाद भएपछि नवलपरासी जिल्ला अदालत परिसरमा गोली चल्यो

खबर कुरा
२३ जेष्ठ २०७९, सोमबार
                 

नवलपरासी । अंश मुद्दाको विषयमा विवाद हुँदा सोमबार जिल्ला अदालत पश्चिम नवलपरासीमा गोली चलेको छ ।

सरावल गाउँपालिका ४ का हंशराज यादवले पेस्तोलबाट एक राउण्ड गोली प्रहार गरेको जिल्ला प्रहरी कार्यालय नवलपरासी प्रहरी प्रमुख एसपी ऋषिराम कँडेलले जानकारी दिएका छन् ।

पहिलो पटक प्रहार गरेको गोली नपड्केपछि उनले दोस्रो पटक गोली चलाएका थिए ।

सुरुमा गोली प्रहार गरेको देखेकी रोशनी आतिदैं भागेपछि पुनस् प्रहार गरेको गोलीबाट उनी बचेकी हुन् । जिल्ला अदालतदेखि करिब ५० मिटरको दुरीमा रहेको व्यस्त सडकमा गोली चलेपछि स्थानीय आतंकित बनेका थिए ।

अंश मुद्दाको विषयमा छलफल गर्न अदालतमा उपस्थित भएका हंशराज र रोशनी यादवबीच विवाद भएपछि तर्साउने उदेश्यले उनले गोली प्रहार गरेको प्रहरीको अनुमान छ ।

गोली प्रहार गर्ने हंशराज रोशनीका भतिजा हुन् । हंशराजले चलाउको गोली कसैलाई पनि नलागेकाले कुनै दुर्घटना भने हुन पाएन ।

सन्तानविहिन रहेका काकाको मृत्युपछि अंश खाने काकी मात्र भएको र उनलाई मारेपछि सम्पत्ति आफ्नो हुने मनसायका साथ हर्षरामले गोली हानेको आफन्तहरुले बताएका छन् । दुई अंश लगाएर सोमबार अदालतमा मिलापत्र जाने क्रममा हर्षरामले काकीमाथि गोली प्रहार गरेका हुन् ।

घटनास्थलबाट प्रहरीले १ थान गोलीको खोका बरामद गरेको छ । गोली प्रहार गर्ने हर्षरामको खोजी कार्य भइरहेको कंडेलले बताए ।

यसमा तपाइको मत

Your email address will not be published.


*